DOUBLE CLICK ON CODE TO SELECT ALL

Top News

कहिले कहिँ नसोचेको हुन्छ । त्यस्तै भयो एक युवतीको जीवनमा पनि ।
उनको नाम हो, साइमा हुसेन । उमेर २१ बर्ष ।
काश्मीरको राजधानी श्रीनगरमा बस्ने यी युवती अहिले सोशल मीडियामा भाइरल बनेकी छिन् । त्यो पनि एउटै सेल्फीको भरमा । भएको के भने, त्यसताका शाहरुख आफ्नो फिल्म ‘रइस’को प्रमोसनमा थिए । सोहि दौरान उनी पुणेको सिम्बिओसिस कलेज पुगे ।
त्यहाँ शाहरुखले आफ्ना प्रशंसकसँग सेल्फी लिए र सोशल मीडियामा पोस्ट गरे । कस्तो भइदियो भने, त्यही सेल्फीले एक अपरिचित युवतीलाई भाइरल बनाइदियो । उक्त सेल्फीको कमेन्टमा शाहरुखको भन्दा ‘मिस्ट्री गर्ल’बारे चर्चा भयो ।
शाहरुखको फेसबुक पेजमा कमेन्ट गर्दै कतिले त उक्त युवतीसँग बिहेको प्रस्ताव पनि राखेका छन् । यद्यपी इन्टरनेटमा आफ्नो फोटोले सनसनी मच्याइरहँदासम्म युवती वेखबर थिइन् । ‘मलाई मेरी साथीले यो खबर सुनाइन्’ साइमाले भनेकी छिन्, ‘विश्वास गर्नै गाह्रो भयो । तर, त्यसपछि निरन्तर म्यासेज र फोन आउन थाले ।’
Online Khabar


हेमन्त न्यौपाने
पुनर्वास
माघ २१
कञ्चनपुरको पुनर्वास नगरपालिका वडा नम्बर १ बिच फाँटामा हात्तीकोको आक्रमणबाट ५० बर्षिय स्थानीय रामे सुनारको मृत्यु भएको छ ।
विहान ७ बजे नै भारत तर्फ मजदुरी गर्न जान लागेका उनको हात्तीले आक्रमण गरि ज्यान लिएको प्रहरीले जनाएको छ ।


फलेवास (पर्वत)
२१ माघ,
पर्वत जिल्लाको कुश्मा नगरपालिका–१२ चुवामा हालै नयाँ गुफा फेला परेको छ । चुवामा रहेको लालेश्वर शिव मन्दिर नजिकै हालै पत्ता लागेको नयाँ गुफाको नाम लालेश्वर राखिएको छ ।
बाहिर हेर्दा सामान्य भए पनि भित्र गएर हेर्दा अनौठो लाग्ने स्थानीयवासी मुगा पोखरेलले बताए । झन्डै ३०० मिटर लामो उक्त गुफाभित्र विभिन्न देवीदेवताका आकृति, बगेको पानी र अन्य मनमोहक दृश्य देखिएपछि गुफा संरक्षणका लागि स्थानीय विष्णु पोखरेलको अध्यक्षतामा लालेश्वर गुफा संरक्षण समिति गठन गरिएको छ ।
स्थानीयवासीले हालै श्रमदान गरेर गुफाको भित्री भाग र बाहिरी भागसमेत सरसफाइ गरेका छन् । अहिले गुफासम्म जाने गोरेटो बाटोसमेत निर्माण गरिसकिएको स्थानीयवासी खिमलाल पोखरेलले जानकारी दिए ।
गुफाको प्रचारप्रसार र प्रवद्र्धन गर्न सकेमा आन्तरिक तथा बाह्य पर्यटक भित्र्याउन सकिने सम्भावना रहेको छ । पोखरा–बागलुङ राजमार्गभन्दा झन्डै एक किलोमिटरको दुरीमा रहेको उक्त गुफाको विकासका लागि आवश्यक सहयोग गर्न स्थानीयवासीले माग गरेका छन् ।
पर्वतको देउपुर गाविसमा पनि केही महिनाअघि नयाँ गुफा फेला परेको थियो । यसबाहेक गुप्तेश्वर, अलपेश्वर गुफा धार्मिक र पर्यटकीय हिसाबले मुलुकभरि नै प्रसिद्ध मानिन्छन् ।


नयाँ दिल्ली:
आईफोन प्रयोगकर्ताहरुका लागि एउटा खुसीको खबर आएको छ । अबको केही महिनामै विश्वचर्चित अमेरिकन कम्पनी एप्पलले आईफोन भारतमै उत्पादन गर्ने भएको छ।
भारतमै आईफोन बन्न थालेपछि यसको मूल्यमा पनि कमी आउने अनुमान गरिएको छ । आईफोनले आफ्नो पहिलो निर्माण युनिट बेङ्गलुरूमा स्थापनाको तयारी थालेको छ ।
यसबारेमा भारतीय सरकारले एक विज्ञप्ती जारी गर्दै एप्पलले आईफोन उत्पादनका लागि ‘प्राराम्भीक निर्माण कार्य’ थाल्न कम्पनीको स्वागत गरेको छ ।
कर्णाटक प्रदेशका सूचना प्रविधित मन्त्री प्रियङ्का खडकले विज्ञप्तीमा एप्पलले बेङ्गलुरूमा आईफोन निर्माण कम्पनी निर्माण शुरू गर्न चाहेको बताएकी छन् ।
यस्तो हुँदा अमेरिकामा रहेको आधुनिक प्रविधि भारतसम्म आउनेछ । यसले दक्षिण एसियामा आईफोन सस्तो हुनेछ ।
कर्णाटक सरकारले मिति तय नगरेपनि केही महिनाभित्रैबाट एप्पले बेंगलुरुमा आईफोन उत्पादन कम्पनी खोल्ने तयारी थालेको छ ।
समाचार अनुसार यसै सालको मध्यसम्ममा बेंगलुरुमा आईफोन उत्पादन युनिट सञ्चालमा आइसक्नेछ ।
एप्पलले आईफोन एसेम्बल गर्ने देशमा अब भारत तेस्रो देश हुनेछ । एप्पलको यो निर्णयले मेक इन इन्डियालाई पनि गति मिल्ने अनुमान गरिएको भारतीय सञ्चारमाध्यमले जनाएका छन् ।


लहान
माघ २१ –
राज्यविरुद्धको सङ्गठित अपराध मुद्दामा पक्राउ परेका स्वतन्त्र मधेस गठबन्धका संयोजक चन्द्रकान्त राउत ९सीके राउत० लाई थप १० दिन थुनामा राखी अनुसन्धान गर्न सिरहा जिल्ला अदालतले आदेश दिएको छ ।
मुद्दामा थप अनुसन्धान गर्नुपर्ने भन्दै इलाका प्रहरी कार्यालय लहानले म्याद थप माग गरेपछि अदालतले यस्तो आदेश दिएको हो । इलाका प्रहरी कार्यालय लहानका प्रहरी नायब उपरीक्षक राजकुमार केसीका अनुसार अदालतको यो आदेशसँगै राउतलाई थुनामा राखी अनुसन्धान गर्न र उहाँविरुद्ध थप प्रमाण जुटाउन सहज हुनेछ ।
गएको ५ गते सिरहाको लहानको सभामा राउतले मधेस छुट्टै देश बन्ने अभिव्यक्ति दिनुको साथै देश टुक्र्याउने गतिविधि सञ्चालन गर्दै आएकाले उहाँमाथि राज्यविरुद्ध सङ्गठित अपराधअन्तर्गत मुद्दा चलाइएको प्रहरी नायब उपरीक्षक केसीले बताउनुभयो ।
सप्तरीको महदेवा गाविस घर भई जनकपुरमा कोठा भाडा लिएर बस्दै आएका राउतलाई हिजो बिहीबार जनकपुर माछाबजार नजिकै कोठामा छापा मारेर प्रहरीले पक्राउ गरेको थियो ।
राउतलाई म्याद थपको लागि अदालत लगिने भएपछि बिहानैदेखि लहानको सुरक्षा व्यवस्था कडा पारिएको छ । राउतविरुद्ध यसअघि पनि विशेष अदालतमा राज्य विप्लबको मुद्दा चलेको थियो । तर उहाँ धरौटीमा छुटेका थिए ।
राज्यविरुद्धको अपराध र सजाय ऐन २०४६ मा कसैले नेपालको सार्वभौमसत्ता, अखण्डता वा राष्ट्रिय एकतामा खलल पार्ने नियतले कुनै अव्यवस्था उत्पन्न गरेमा वा सो गर्ने उद्योग गरेमा जन्मकैद हुने कानुनी व्यवस्था रहेको छ । रासस


काठमाडौं
माघ २१ –
निर्देशक विकास राज आचार्यले सिनेमा ‘निराञ्जना’ दीपक राज गिरी र दीपा श्री निरौलासँग मिलेर बनाउन लागेका छन् । विकासको निर्देशनमा बन्न लागेको यो सिनेमा आमा सरस्वती मुभिज प्राली र विकास राज आचार्यको ब्यानरमा बन्ने छ ।
सिनेमामा दीपक राज गिरी, दीपा श्री निरौला र विकास राज आचार्यको लगानी रहनेछ । सिनेमालाई विकास राज आचार्यले नै निर्देशन गर्नेछन् ।
विकासले लेखेको कथा दीपक राज गिरीलाई मन परेका कारण दीपकले यो सिनेमा आफ्नो ब्यानरमा बनाउन चाहेका हुन् । हाल दीपक राज गिरी, विकास राज आचार्य र समिप तिमिल्सिनाले सिनेमाको कथा हेरफेर गरिरहेका छन् ।
निश्चल स्वस्तीमाको मुख्य भूमिका !
पुरुषोत्तम प्रधानले खिच्ने यो सिनेमामा मुख्य अभिनेताको रुपमा निश्चल बस्नेत र जितु नेपाललाई देख्न पाइने लगभग पक्का पक्की भइसकेको छ । निरान्जनामा निश्चलको को–स्टारको रुपमा उनकी जीवन संगीनी स्वस्तीमा हुनेछिन् । त्यस्तै जितु नेपालको हिरोइन भने को हुने त्यसको फाइनल भएको छैन । तर जितु नेपालको को–स्टारको रुपमा अभिनेत्री वर्षा राउत हुने सम्भावना बलियो छ । निरान्जनामा निश्चल बस्नेत, जितु नेपाल, स्वस्तीमा खड्का, किरण केसी, अनुभव रेग्मी, राजाराम पौड्याल लगायतका कलाकारहरु हुने भने लगभग फाइनल भएको विकास राज आचार्यले जानकारी दिएका छन् । तर सिनेमाको लागि कुनै पनि कलाकारले साइन भने गरेका छैनन् ।
दीपक र दीपालाई कथाले माग्न सक्छ !
चाँजोपाँचो छिट्टै मिलेमा फागुनको दोस्रो साता नभए चैतको पहिलो सातादेखि फ्लोरमा जाने सम्भावना देखिएको यो सिनेमामा दीपक र दीपालाई देख्न पाइन्छ कि पाईँदैन ? भन्ने हाम्रो प्रश्नमा विकासले भने, ‘उनीहरुलाई कथाले माग्छ की माग्दैन त्यो समयले बताउँछ । कथाले मागेको खण्डमा उनीहरु पनि यो सिनेमामा देखिनेछन् ।’ कमेडि र सेन्टिमेन्टल प्रेमकथामा आधारित यो सिनेमामा द्वन्द्वले ठाउँ पाउने छैन । सिनेमामा तीनवटा गीतहरु एउटा लोकगीत, एउटा प्रेम गीत र एउटा सेन्टिमेन्टल गीत समावेश गरिने विकासले हामीलाई जानकारी दिएका छन् ।
Ujyaalo Online


जापान ।
यहि फेब्रवरी १० मा जापानी प्रधानमन्त्री सिन्जो आबे अमेरिका जाँदेछन् र ११ तारिकमा फ्लोरिडास्थित एक गल्फ रिसोर्टमा अमेरिकी राष्ट्रपतिसँग वार्ता गर्दैछन् ।
यो समान्य विषय भयो, तर यहाँ गम्भिर विषय लुकेको छ । विश्व राजनीति र राजनेताहरु यतीबेला ट्रम्प विरोधी देखिएका छन् भने जापानले उनीसँगको सहकार्यलाई बलियो बनाउने बताउँदै आएको छ ।
यद्यपी ट्रम्पले जापानी कम्पनीहरुलाई बढी कर लिने बताउँदै आएको अवस्थामा यो भेटवार्ता पनि तनावपुर्ण हुन सक्ने अनुमान छ । यस बीचमा उनी अर्थात् अमेरिकी राष्ट्रपति डोनाल्ड ट्रम्प जापानको घेराबन्दीमा पर्ने निश्चित प्राय छ भने साथमा जमएनी र चीन पनि हुनेछन् ।
एका तर्फ अमेरिकी राष्ट्रपति डोनाल्ड ट्रम्प‘अमेरिका फस्र्ट’ भन्दै मुक्त बजार व्यवस्थाको नियन्त्रिक गर्ने भनिरहेका छन् । त अर्को तर्फ विश्वका अन्य नेता भने कारोबार तथा व्यापारका क्षेत्रमा ट्रम्पले दिएको धम्कीको सामना गर्न एकजुट भएका छन् ।
ट्रम्पले जर्मनी तथा जापान विदेशी मुद्रा विनमिय बजारलाई प्रभावित गरेर आफ्नो हितमा व्यापारका नियम बनाउन लागि परेको आरोप लगाएका थिए । यसमाथि प्रतिक्रिया जनाउँदै जापानका प्रधानमन्त्री सिन्जो आवे तथा जर्मनीका चान्सलर एन्जेला मार्केल एक ठाउँमा उभिएका छन् । यतीबेला विश्वका कयौं देशका प्रमुखहरु ट्रम्प विरुद्ध उत्रिएका छन् ।
यूरोपियन काउन्सिलमा विदेशी सम्बनधका निर्देशक मार्क लेनर्द भन्छन्, ‘ट्रम्पका साथ ठूलो टकराब हुने अवस्था आएको छ । ट्रप अमेरिका पहिलोको एजेण्डामा अगाडि बढ्नका लागि चीन तथा बाँकी देशसँग बेमतलवबका भू राजनीतिक उक्सावटमा लागेका छन् ।’
ट्रम्प कार्यालय शुरुवाती दिनबाट नै झगडा तथा विवादमा तानिएको छ । यति मात्र होइन ट्रम्पको अहिलेसम्मको काम विवादित बनेको छ । जसका कारण विश्व व्यापार तथा मुद्रामा तनाव बढेको आभास भएको छ ।
पछिल्लो समय अष्ट्रेलियाका प्रधानमन्त्रीसँगको फोन वार्ता निकै तनावपुर्ण भएको छ भने यी दुई देश बीचको सम्बन्ध नै धुमील बनिसकेको छ ।
अमेरिका बहुपक्षीय सम्झौताको सट्टा द्विपक्षीय सन्धिलाई महत्व दिएर अगाडि बढेको छ । यी कदहरुका बीच अमेरिका बाहेका शक्तिशाली राष्ट्रहरु नयाँ गठबन्धन र समीकरणको तलाशमा जुटेका छन् ।
अब जापानले लिने नीतिले पनि ट्रम्पलाई समस्या पर्न सक्छ । यदी उनले जापानी कम्पनीहरुमाथि करको दायरा बढाए भने करिब २० लाख रोजगारि गोम्ने मात्र हैन जापानी कम्पनीहरु एसिया र युरोप केन्द्रीत बन्ने छने भने तीन र जर्मनीको साथ लिएर जापान अमेरिकाको विरोधमा लाग्ने छ । र यो घेराबन्दी उनका लागि महंगो सावित हुने छ ।